Bashkia Dibër organizon aktivitetin përmbyllës të projektit “ Fuqizimi i sistemit të menaxhimit të mbetjeve në Bashkinë Dibër “ dhe “Rehabilitimi i fushës së mbetjeve urbane të bashkisë Dibër” , financuar nga DLDP (projekti për decentralizimin dhe zhvillimin vendor) dhe mbështetjen teknike të Qendrës Rajonale të Mjedisit (REC ) .
Projekti u hartua për të përmirësuar gjendjen e shërbimit të mbetjeve në Bashkinë e re me qëllimin e përgjithshëm “Dibra e pastër dhe e shëndetshme” dhe u zbatua gjatë vitit 2017 . U hartua dhe miratua plani për menaxhimin e integruar të mbetjeve për të gjithë Bashkinë e re si dhe u investua në infrastrukturën vendore për menaxhimin e mbetjeve në sistemin e grumbullimit dhe transportit të mbetjeve në kamion dhe kazanë mbetjesh (165 kazanë të rinj dhe një makinë teknologjike) si dhe u rehabilitua fusha e mbetjeve urbane të qytetit .
Me këtë rast Bashkia Dibër ju fton të merrni pjesë në takimin që do mbahet në sallën e QEK në datën 25.10.2017 ora 12.30 ku do diskutohet per sfidat dhe arritjet e projektit si pjesë e axhendës për inagurimin e tij. Takimi do të zgjasë deri në orën 14.00 . Për më shumë detaje bashkëngjitur kopje të axhendës .
Duke shpresuar në prezencën tuaj ,
K R Y E T A R I
Muharem RAMA